सातौं राष्ट्रिय खेलकुदको पहिलो स्वर्ण आर्मीका हरिकुमार रिमाललाई

९ पुस,२०७३ ।  सातौं राष्ट्रिय खेलकुदको पहिलो स्वर्ण पदक त्रिभुवन आर्मी क्लबका हरिकुमार रिमालले जितेका छन् । इटहरी रंगशालमा शनिबार बिहान भएको १५ सय मिटर दौडमा हरिले स्वर्ण जितेका हुन् ।

Hari Rimal of the Tribhuvan Army Club approaches finish line in men’s 1500m race during the 7th National Games at the Itahari Rangasala, in Sunsari, on Saturday. 

नेपाली सेनाका हरिले ४ मिनेट ४ दशमलव ३८ सेकण्डमा निर्धारित दुरी पार गरे । १५ सय मिटर दौडमा सेनाकै छत्रबहादुर दाहालले रजत जिते उनले ४ मिनेट ४ दशमलव ७३ सेकेण्डमा निर्धारित दुरी पूरा गरे । नेपाल पुलिसका करण खड्काले १५ सय मिटर दौडमा कास्य पदक जिते ।

महिलातर्फ सरस्वति भट्टराईलाई पहिलो स्वर्ण

यसैगरी महिलातर्फ १५ सय मिटर दौडमा सेनाकै सरस्वति भट्टराईले बाजी मारिन् । उनी सातौं राष्ट्रिय खेलकुदमा स्वर्ण पदत जित्ने पहिलो महिला हुन् । उनले निर्धारित दुरी ४ मिनेट ४३ सेकेण्डमा पार गरिन् ।

Saraswati Bhattarai of the Tribhuvan Army Club approaches at finish line in women’s 1500m race during the 7th National Games at the Itahari Rangasala in Sunsari, on Saturday, December 24, 2016.

सरस्वति ५ वर्षअघि सुदूरपश्चिमाञ्चलमा भएको प्रतियोगितामा घरेलु टोलीका तर्फबाट सहभागी भएकी थिइन् । त्यतिबेला चौथो भएकी उनी तीन वर्षअघि नेपाली सेनामा भर्ना भएकी हुन् । उनी ब्राजिलको रियो द जेनेरियोमा भएको ओलम्पिकमा समेत सहभागी भइसकेकी छिन् । महिलातर्फको राजत पदक सशस्त्र प्रहरीको एपिएफ क्लबकी पुमली रानाले जितिन् भने कास्य पदक आर्मीकी लक्ष्मी पाण्डेले जितिन् ।