Open top menu
Saturday, August 8, 2015
ब्याटफर नेपाल अन्तरगतको खेल आज

२४ साउन/  नेपालका भूकम्पपीडितको सहयोगार्थ आज मलेसियामा  च्यारिटी क्रिकेट खेल ‘ब्याट फर नेपाल’ हुँदैछ । मलेसिया क्रिकेट संघले घरेलु मैदानमा नेपालका लागि च्यारिटी खेलको आयोजना गरेको हो । नेपालमा गत वैशाख १२ मा गएको शक्तिशाली भूकम्पमा करिब नौ हजार मानिसको मृत्यु भएको थियो भने हजारौं घाइते भएका थिए । मलेसियाको राजधानी क्वालालम्पुरस्थित किनरारा ओभल क्रिकेट मैदानमा हुने खेलमा नेपाल क्रिकेट संघ क्यान–११ र विश्व–११ बीच प्रतिस्पर्धा हुनेछ । 

नेपाली टोलीमा अधिकांश खेलाडी राष्ट्रिय टोलीका छन् । यसैगरी विश्व–११ का तर्फबाट नाम चलेका टेस्ट खेलाडीसहित उत्रनेछन् । नेपाली टोलीको कप्तानी पारस खड्का र विश्व–११ को कप्तानी श्रीलंकाका अलराउण्डर तथा प्रभावशाली खेलाडी सनथ जयसूर्याले गर्नेछन् । 

नेपाली टोलीमा शरद भेषावकर, महबुब आलम, राजेश पुलामी, सोमपाल कामी, अनिल मण्डल, सिद्धान्त लोहनी, राजु रिजाल, शक्ति गौचन, भुवन कार्की, अविनाश कर्ण, करन केसी छन् । महबुब, अविनाश र भुवन भर्खरै सम्पन्न टीट्वेन्टी विश्वकप छनोटमा नेपाली टोलीमा थिएनन् । यू–१९ राष्ट्रिय टोलीका कप्तानसमेत रहेका राजुले टोलीको विकेटकिपिङ गर्नेछन् । नेपाली क्रिकेट टोली एक महिनाभन्दा लामो समय युरोपमा सोमबारमात्र स्वदेश फर्किएको हो । युरोपमा नेपालले एक टीट्वेन्टी शृंखला, टीट्वेन्टी विश्वकप छनोटसँगै आईसीसी वल्र्ड क्रिकेट लिग च्याम्पियनसिपको पहिलो चरणको खेल खेलेर फर्किएको थियो । यी सबै प्रतियोगितामा नेपाली टोलीको प्रदर्शन कमजोर रहेको थियो ।
बंगलादेशका लागि खेलिसकेका सोहाग गाजी र अब्दुर रस्साक पनि टोलीमा छन् । अस्ट्रेलियाका स्टिभ ओकिफे र मार्कस स्टोइनिसले पनि विश्व–११ बाट खेल्नेछन् । ओकिफेले अस्ट्रेलियाका लागि टीट्वेन्टी क्रिकेटमा प्रतिनिधित्व गरेका छन् भने स्टोइनिस प्रथम श्रेणीको क्रिकेट खेल्ने खेलाडी हुन् । भारतका लागि एकदिवसीय क्रिकेटमा प्रतिनिधित्व गरेका बेनुगोपाल रावले पनि क्यान–११ विरुद्ध खेल्नेछन् । सिंगापुरका चेतन सूर्यवंशी तथा मलेसियाका सुरेश नवरतनाम र अहमद फैज पनि विश्व–११ टोलीमा छन् ।  विश्व–११ का तर्फबाट पाकिस्तानका पूर्वविकेटकिपर रसिद लतिफ पनि खेल्दैछन् ।   विश्व–११ का कप्तान जयसूर्याले एउटा खेलबाट ठूलो लक्ष्य लिएको प्रतिक्रिया दिएका छन् । नेपालका भूकम्पपीडितको सहयोगार्थ हङकङमा पनि च्यारिटी खेल आयोजना हुँदैछ । 
Read more
एसेज श्रृंखला अन्तरगतको चौथो टेस्टमा इङ्गल्याण्डको शानदार जीत



एसेज श्रृंखला अन्तरगतको चौथो टेस्टमा एक इनिङ्ग र ७८ रनको शानदार
अन्तरको जित हातपार्दै इङ्गल्याण्डले अष्ट्रेलिया विरुद्धको पाँच टेस्ट म्याचको श्रृंखला ३–१ ले जितेको छ ।  पहिलो इनिङ्गमा १८ दशमलव ३ ओभरमा मात्र ६० रनमा समेटिएर फलोअनपा परेको अष्ट्रेलिया दोस्रो इनिङ्गमा ७२ दशमलव ४ ओभरमा २ सय ५३ रनमै समेटिएपछि इङ्गल्याण्डले शानदार जित हातपारेको हो । पहिलो इनिङ्गमा मित्सेल जोनसनले सर्बाधिक १३ र कप्तान माइकल क्लार्कले १० रन जोडेका थिए भने अन्य ब्याट्समेनले दोहारो अंकको रन जोड्न सकेनन् । सोक्रममा अतिरिक्त रन स्वरुप अष्ट्रेलियाले १४ रन पाएको थियो ।
त्यसपछि फलोअनमा रहेर दोस्रो इनिङ्ग शुरुगरेको टोलिका लागी ओपनर डेविड वारनरले ६४,क्रिस रोजर्सले ५२ र एडम भोगेसले ५१ रन जोडेपनि अन्य ब्याट्समेनले आसातित प्रदर्शन गर्न नसक्ता टोलिले लज्जासपद हार बेहोर्यो । इङ्गल्याण्डले भने पहिलो इनिङ्गमा जोइ रुटको सर्बाधिक एक सय ३० र जोनी बैर्सटोको ७४ रनको मद्दतमा ८५ दशमलव २ ओभरमा ९ विकेट गुमाएर ३ सय ९१ रन बनाएपछि इनिङ्ग समाप्तिको घोष्णा गरेको थियो । खेलको म्यान अफ दी म्याच इङ्गल्याण्डका तिब्रगतिका बलर स्टुआर्ट ब्रोएड भए ।   
Read more