उत्तम रिजाल
११ पुस दमक/ झापाको दमकमा सम्पन्न खुला विद्यालय स्तरीय बुद्धिचाल प्रतियोगिताको उपाधी आदेश दाहाल र आष्मा थापाले जितेका छन् । दुवै उपाधी विजेता सनसाइन इङ्गलिस स्कुल उर्लाबारी मोरङ्गका खेलाडी हुन् । आदेश प्रतियोगिताकै शिर्ष स्थान हासिल गर्दैै उपाधी जित्न सफल भए भने आष्मा गल्स तर्फ प्रथम भएकी हुन् । झापा मोडल उमाविमा भएको सो प्रतियोगितामा आदेशले सात राउण्डको खेलमा अपराजित रहदै ६ दशमलव ५ अंक प्राप्त गरेका थिए । उनले पहिलो बोर्डमा आयोजक झापा मोडलका दिप्सन लिम्बु लाई पराजित गरेका थिए । उपाधी जित्नका लागि दुवै खेलाडीले जित निकाल्नुको विकल्प थिएन् । दिप्सनले जितेको भए उनी नै उपाधी जित्न सफल हुने थिए । उता समान सात राउण्ड नै खेले पनि आष्माले ४ दशमलव ५ अंक जोडेकी थिइन् । त्यस्तै प्रतियोगिताको दोस्रो स्थान आयोजक झापा मोडलका डिचेन लिम्बु भए । तेस्रो बोर्डमा खेलेका उनले सनसाइनका अमन कोइरालालाई पाखा लगाएका थिए । जितसँगै डिचेनको ६ अंक थियो । तेस्रो स्थान भने सनसाइनका सक्षम भण्डारीले हात पारे । उनले दोस्रो बोर्डमा आफ्रनै स्कुलका सैलेश दुलालसँग बराबरी खेलेका थिए । दुवैको समान ५ दशमलव ५ अंक भएपनि प्रोगेसिव प्वाइन्टको आधारमा सक्षम तेस्रो भएका हुन् । पराजित सैलेश चौथो भए । प्रतियोगितामा झापा मोडलका दिप्सन लिम्बु पाँचौ,सनसाइनका आशिष पाण्डे छैटौ,आयोजक झापा मोडलका सुरेन सुब्बा सातौ,सनसाइनका श्रृजन खड्का आठौ,झापा मोडलका लाक्पा तामाङ्ग नौं औं तथा सनसाइनका समिर खड्का दश औं भए । सोहि प्रतियोगिताको गल्सतर्फ सनसाइनकी खुसी मुखिया दोस्रो,एभरेष्ट स्कुल दमककी कृपा अधिकारी तेस्रो,एभरेष्टकै खुस्बु थापा चौथो र ग्लोबलकी दिक्षा तिम्सिनाले पाँचौ स्थान हासिल गरे । उमेर समुहको उपाधी भने पन्ध्र बर्ष मुनिमा सनसाइनका बलविक्रम कार्की,तेह्र बर्ष मुनिमा सनसाइनकै अमन कोइराला र एघार बर्ष मुनिमा एभरेष्टका प्रज्वल बस्नेतले हात पारे । प्रतियोगितामा आठ बर्षका शिवम शाहाले पनि सहभागिता जनाएका थिए । विजेतालाई प्रमुख अतिथी शिक्षाविद साजि बाबु,आयोजक झापा मोडलका प्रिन्सिपल सनम श्रेष्ठ,अतिथीहरु झापा जिल्ला बुद्धिचाल संघका कोषाध्यक्ष सुरज सुब्बा,रोटरी क्लब दमकका अध्यक्ष नविन कुमार श्रेष्ठ,नेपाल राष्ट्रिय वाणिज्य संघ दमकका अध्यक्ष भरत चौलागाई,सनसाइनका प्रिन्सिपल दिपक दंगाल,आयोजक डाइनामिक चेस एकेडेमिका भुपेन्द्र निरौला निरज,उर्लाबारी पेजका अध्यक्ष राजेन्द्र राई,कार्यक्रम संयोजक सागर श्रेष्ठ लगायतले वितरण गरेका थिए । प्रतियोगितामा झापा र मोरङ्गका गरी नौ विद्यालयका ५४ खेलाडीको सहभागिता रहेको थियो ।
.png)
4:23 AM
0 comments
१३ पुस,दमक / दमक बहुमुखी क्याम्पसमा जारी खेल सप्ताह अन्तरगत बुद्धिचाल तर्फको उपाधी युनिस पौडेलले जितेका छन् । उनले ४ दशमलव ५ अंक जोडे । सोमबार सम्पन्न पाँचौ तथा अन्तिम राउण्डमा पहिलो बोर्डमा खेलेका उनले दिपक भट्टराईलाई पराजित गरेपछि उपाधी जितेका हुन् । उपाधिका लागि जित्नै पर्ने दबाबमा रहेका उनले भट्राईको ब्लण्डर मिष्टेकमा क्विन खाएपछि जीत निश्चित गरेका थिए । भट्टराईले भने उपाधीका लागि खेल बराबरी मात्र गरेपनि पर्याप्त हुने थियो । तर क्विन गुमाए लगत्तै उनी निराश भए । यद्यपी उनी दोस्रो भने हुन सफल भए । भट्टराईले लगातार चार खेल जितेका थिए । त्यस्तै उपाधी जित्ने आशा गरिएका सविन आचार्य भने तेस्रो भए । लगातार तीन राउण्ड सम्म अपराजित रहेका उनी चौथो राउण्डको पराजयसँगै पाँचौ तथा अन्तिम राउण्डमा जित निकालेपछि तेस्रो भएका हुन् । प्रतियोगितामा चौथो स्थान हासिल गर्दै राकेश निरौलाले सान्तोना पुरस्कारको हकदार बनाए । दोस्रो देखी चौथो हुने सबैको समान चार अंक भएपनि प्रोगेसिव प्वाइण्टको आधारमा स्थान तय भएको थियो । प्रतियोगितमा कुल ३२ खेलाडीको सहभागिता रहेको थियो । कार्यक्रममा बुद्धिचाल खेल संयोजक विश्वराज अधिकारी,क्याम्पस संचालक समिती सदस्य तथा खेल उपसमिति संयोजक पदम जवेगु,सदस्य टंक प्रसाद भट्टराई,भवकृष्ण खतिवडा,राष्ट्रिय खेलाडी तथा प्रशिक्षक भुपेन्द्र निरौला निरज लगायतको उपस्थिती रहेको थियो । 