क्रिकेटर सन्दिप एपीएफमा

२३ मंसिर , २०७३ /  राष्ट्रिय क्रिकेट टिमका युवा क्रिकेटर सन्दिप लामिछाने विभागीय टिम एपीएफमा आबद्ध भएका छन् । अन्डर १९ राष्ट्रिय टिमका कप्तान समेत रहेका सन्दिपले एक बर्षका लागि एपीएफसँग सम्झौता गरेका छन ।

अनुबन्धनबारे औपचारिक जानकारी गराएपनि पारिश्रमिकको विषय गोप्य राखिएको सन्दिपले बताए ।   सातौं राष्ट्रिय खेलकुदको तयारीमा रहेको एपीएफ क्लबले स्पिनर शन्दिपलाई टोलीमा अनुबन्ध गरेको हो । राष्ट्रिय क्रिकेट टिमका स्टार खेलाडीले भरिएको एपीएफमा आबद्ध हुन पाउनु आफ्नो लागि खुसीको कुरा रहेको बताउँदै उनले सिनियर खेलाडीसँगको सल्लाहमा क्लबमा आबद्ध भएको बताए । 

मंसिर २७ गते देखी श्रीलंकामा शुरु हुने अन्डर १९ एसिया कपको तयारीमा रहेका सन्दिपले उमेर समुहको प्रतियोगितामा प्रभावशाली प्रर्दशन गर्दै राष्ट्रिय टिममा डेब्यु गरेका थिए ।