मिडिया कप दमक रन सम्पन्न

१८ बैसाख,दमक/   झापाको दमकमा मिडिया कप दमक रन सम्पन्न भएको छ ।  आज  भएको तीन किलोमिटरको सो रनमा पाथीभरा एफ.एमका दमक रिपोर्टर चिरञ्जीवी घिमिरे प्रथम, रेडियो झापाका समाचार प्रमूख तथा खेल पत्रकार उत्तम रिजाल दोस्रो तथा दिलकुमार लावती तेस्रो भए । घिमिरेले उक्त दुरी १३ मिनेटमा पार गरेका थिए भने रिजालले १४ मिनेट ८ सेकेण्ड र लावतीले १४ मिनेट ५६ सेकेण्डमा पार गरेका थिए । दमक रनले आयोजना गरेको सो रनमा ३५ पत्रकारहरुको सहभागिता रहेको थियो । रनमा प्रथम,द्धितिय र तृतियले क्रमश नगद पाँच हजार,तीन हजार र दुई हजार प्राप्त गरे । उता महिला तर्फ हिमशिखर टेलिभिजनकी लक्ष्मी नेपाल प्रथम भइन् । महिला तर्फ उनले मात्र दुरी पार गरेकी थिइन् । उनले सो दुरी २४ मिनेटमा पार गरिन् । उनले नगद एघार सय प्राप्त गरिन् । प्रत्येक शनिबार हुदै आएको रनको २२ औं हप्तामा आयोजकले पत्रकारहरुलाई स्वास्थ्य शरिरका लागि भन्दै दौडाउने निर्णय गरे बमोजिम उक्त दौड गराइएको आयोजकका सुधिर प्रधानले जानकारी दिए । यो नेपालकै पहिलो मिडिया कप दौड हो ।