.png)
By 
12:52 AM
२१ साउन, काठमाडौं । बार्सिलोनाका अर्जेन्टिनी स्टार लिओनल मेस्सीले रोमाका म्याफू योंग एबीवालाई हेडबट गरेका छन् । तर, रातो कार्डबाट भने बचेका छन् ।
युरोपियन च्याम्पियन बार्सिलोना र रोमाबीच नाउ क्याम्पमा मैत्रिपूर्ण फुटबल भएको थियो । खेलको २७ औं मिनेटमा नेयमारले गोल गर्दै घरेलु टोलीलाई अग्रता दिलाए ।
एक गोलले पछि परेको रोमाका फ्रान्सेली डिफेण्डर म्याफू योंग आबेगमा आए र मेस्सीतर्फ टाउको झुकाए । त्यसको जवाफमा मेस्सीले हेडबट (प्रतिद्वन्द्वी खेलाडीलाई टाउकोले हान्नु) गर्नुका साथै घाटीमा समातेर पछाडि धकेलिदिए ।
रेफ्रीले दुबै खेलाडीलाई रातो कार्ड दिन सक्थे । तर, दुबैलाई पहेँलो कार्ड दिँदै खेल अघि बढाए ।
म्याफू योंग सँगको विवादको सात मिनेटपछि मेस्सीले रोमाविरुद्ध गोल गर्दै अग्रता दोब्बर पारे ।
खेलको ६६ औं मिनेटमा राकिटिकले गोल गरेपछि बार्सिलोना ३–० ले अगाडि रह्यो । खेलमा थप गोल हुन सकेन र बार्सिलोना विजयी भयो ।
- See more at: http://www.onlinekhabar.com/2015/08/308306/#sthash.zqiYJRjq.dpuf
0 comments