अफगानिस्तानद्धारा आयरल्याण्ड सामु २२१ रनको लक्ष्य प्रस्तुत

उत्तम रिजाल,  आयरल्याण्ड विरुद्धको चौथो वण्डेमा अफगानिस्तानले २ सय २१ रनको लक्ष्य प्रस्तुत गरेको छ । इण्डीयाको नोयडामा जारी खेलमा टस जितेर ब्याटिङ्ग गरेको अफगानिस्तानले आफ्ना आक्रामक र भरोसादार खेलाडीलाई सस्तैमा गुमाएपछि कम लक्ष्य दिएको हो ।

उसले खेल सकिन एक बल अगाबै सबै विकेट गुमायो । अफगानिस्तानले आफ्ना ६ ब्याट्समेनलाई दोहोरो अंकको रन जोड्न नपाउँदै गुमायो । ओपनर मोहम्मद सहजाद एक रनमा आउट हुँदा उस्मान घानी तीन रनमा पेवेलियन फर्किए । त्यसपछि अर्का आक्राम ब्याट्समेन राहत शाहले खाता खोल्नै भ्याएनन् । ११ रन जोड्दा ३ विकेट गुमाएको उसले ८३ रन जोड्दा थप ४ विकेट गुमाएको थियो । त्यसपछि १४२ रन जोड्दा आठौं विकेट गुमाएको थियो । 

उसका लागी सफिकउल्लाहले सर्बाधिक ४२ तथा मोहम्मद नाबी र दौलत जद्रानले समान ४१ रनको योगदान दिए । जद्रान अविजित रहेका थिए । कप्तान अस्घर तनिकजाइले ३५ रनको योगदान दिएका थिए । अफगानिस्तानलाई सस्तैमा समेट्ने क्रममा केविन ओब्रेनले ४, जाकोब मुल्डरले ३ र एण्डी म्याकब्रेनले २ विकेट लिए । पाँच म्याचको श्रृंखलामा अफगानिस्तान २–१ ले अघि रहेको छ । 

 

९ चैत्र, २०७३