मलेशियाद्धारा नेपाल सामु १५४ रनको लक्ष्य प्रस्तुत

 ३ पुस,२०७३ /  श्रीलंकामा जारी अण्डर नाइन्टीन एसिया कप क्रिकेटमा मलेशियाले नेपाल सामु जितका लागि एक सय ५४ रनको लक्ष्य प्रस्तुत गरेको छ ।

टस हारेर ब्याटिङ्ग गरेको उसले निर्धारित ५० ओभरको खेलमा ४४ दशमलव ४ ओभरमा सबै विकेट गुमाइ एक सय ५३ रन बनाएको थियो । उसका लागि कप्तान वीरन्दीप सिंहले सर्वाधिक ७५ , मोहम्मद हसिफले २१ र सैफ उल्लाह मल्लिकले ११ रनको योगदान दिएका थिए । अन्य ब्याट्समेन भने दोहोरो अंकको रन जोड्न नसक्दै आउट भए । बलिङ्गतर्फ नेपालका आदिल खानले तीन,कप्तान संदिप लामिछाने र दिपेन्द्रसिंह ऐरीले २/२ तथा रोहित कुमार पौडेल र सुभांकर उरावले एक/एक विकेट लिए । नेपाल अहिले जवाफी ब्याटिङ्ग गरिरहेको छ । समुह चरणका पहिला दुबै खेलमा पराजय भोगेका दुबै टोलि पहिलो जितको खोजिमा छन् । नेपाल पहिलो खेलमा आयोजक श्रीलंकासँग एक रनले तथा दोस्रो खेलमा इण्डीयासँग ६ विकेटले पराजित भएको थियो ।